Gjykata e Posaçme ka lënë në burg masën e sigurisë “arrest në burg” për Moisi Habilajn. Para gjyqtares Elsa Ulliri heshti. Ai u arrestua në fundjavë në Vlorë.
Më 23 janar të këtij viti, Gjykata e Posaçme e ka shpallur fajtor Moisi Habilajn dhe e ka dënuar me 10 vite burgim për veprat penale “Prodhimi dhe shitja e narkotikëve”, “Trafikimi i lëndëve narkotike”, kryer në bashkëpunim në formën e grupit të strukturuar kriminal, si dhe “Grupi i strukturuar kriminal”.
Moisi Habilaj është dënuar edhe në Itali me mbi 12 vite burg për pjesëmarrje në një organizatë kriminale të armatosur me qëllim trafikimin e lëndëve narkotike.
