Deputetja Marjana Koçeku e larguar nga grupi i Partisë Socialiste një ditë pasi iu bashkua protestës i kërkon kryeministrit Edi Rama që të çojë vendin në zgjedhje të parakohshme për të matur forcat. Ka një sfidë për ata që i kërkuan të heqë dorë nga mandati.
“Nuk ua kam marrë mandatin e deputetit. Ma keni marrë ju mue, për 10 muej rresht. Tash mandati ka ardhë në vend të vet. Nëse jeni kaq të sigurt që unë nuk fitoj pa ju dhe ju i keni plot 83 mandate, atëherë shpërndajeni parlamentin, shkojmë në zgjedhje të parakohshme dhe masim forcat se kush fiton çka. Kësaj radhe do marr me vete kecin tim të shtrenjtë, bashkë me kmesën e mprehtë, dhe do zbres me kandidue në Tiranë. Para se të vij, ndoshta iu marr leje malësorëve të mi me e folë gjuhën standarde” shprehet ajo.
