Presidenti i Shteteve të Bashkuara, Donald Trump, ka komentuar zhvillimet lidhur me Iranin gjatë samitit të G7, duke theksuar se nuk ka qenë kurrë mbështetës i ndryshimit të regjimeve, ndonëse nuk e përjashton mundësinë që një zhvillim i tillë të ndodhë.
Deklaratat e tij vijnë në një moment tensionesh të larta në Lindjen e Mesme.
“Nuk më ka interesuar kurrë ndryshimi i regjimit, por mendoj se do të ketë ndryshim regjimi. Kam parë ndryshime regjimi për vite me radhë dhe ato nuk kanë funksionuar,” u shpreh Trump gjatë samitit të G7, pas një takimi me Emirin e Katarit, Tamim bin Hamad Al Thani.
