Ish-kryeministri Avdullah Hoti ka reaguar ndaj deklaratës së ushtrueses së detyrës së presidentes, Albulena Haxhiu, për çështjen e projektit të gazit dhe qëndrimin e palës amerikane.
Ai ka kritikuar edhe qasjen e qeverisë Kurti ndaj paralajmërimeve ndërkombëtare, duke paralajmëruar se situata mund të përshkallëzohet me protesta qytetare.
“Si mund të deklarohet U.D. e Presidentes se nuk e ka parë deklaratën e palës amerikane lidhur me projektin e gazit? Kur të mbushen sheshet me protestues e shihni sa serioze është çështja. Dhe sheshet do të mbushen së shpejti”, ka shkruar Hoti.
“Për vite me radhë, kur paralajmërimet kanë ardhur nga miqtë tanë ndërkombëtarë, kemi parë një qasje për t’i minimizuar, për t’i sulmuar ose për t’i shpërfillur.”
