Marshimi i protestës në ditën e 19-të është shoqëruar me tensione në disa pika të kryeqytetit.
Pas ndalimit pranë Kuvendit, protestuesit kanë vijuar itinerarin e tyre duke kaluar edhe përpara selisë së Partisë Demokratike, ku janë regjistruar përplasje verbale me disa persona të pranishëm në ambientet e godinës.
Gjatë kalimit para selisë së PD-së janë dëgjuar thirrje si “Rama n’burg, Berisha n’burg”, të përsëritura nga pjesëmarrësit në protestë.
Më pas, turma ka vijuar marshimin drejt Kryeministrisë, ku pritet të përmbyllet aktiviteti i ditës.
