Një ndryshim i itinerarit ka karakterizuar protestën e ditës së sotme në Tiranë, ku qytetarët kanë devijuar marshimin e tyre nga sheshi “Skënderbej” dhe në vend të Kryeministrisë i janë drejtuar godinës së Kuvendit.
Ndërkohë, në Kuvend po zhvillohet seanca plenare, në të cilën është i pranishëm edhe kryeministri Edi Rama.
Gjatë tubimit janë dëgjuar thirrje të përsëritura si “Rama në burg, Berisha në burg” dhe “Edi Rama ka mbaruar”, të cilat kanë shoqëruar edhe protestat e ditëve të mëparshme.
Protesta vijon në qendër të kryeqytetit, ndërsa mbetet për t’u parë nëse do të ketë zhvillime të tjera gjatë mbrëmjes.
