Prej rreth dy orësh, mijëra qytetarë janë mbledhur këtë të shtunë para Kryeministrisë në Tiranë, në kuadër të protestës që po zhvillohet në kryeqytet.
Protestuesit kanë përdorur forma të ndryshme për të shprehur qëndrimet e tyre, nga pankartat deri te projektimet me drita në fasadën e godinës së Kryeministrisë.
Mes mesazheve të shfaqura janë parë shkrime si “Albania is not for sale” dhe “Nga Zvërneci deri në Rrjoll, Shqipëria thotë boll”.
Gjatë tubimit, pjesëmarrësit kanë vijuar me thirrje të përsëritura si “Rama në burg, Berisha në burg” dhe “Rama jep dorëheqjen”, të cilat janë dëgjuar gjatë gjithë marshimeve në qendër të Tiranës.
