Një grup studentësh kanë shpalosur një banderolë gjigante në ballkonin e Universitetit Politeknik të Tiranës, në kuadër të protestës që po zhvillohet në kryeqytet.
Në banderolë shkruhej “Ju erdhi fundi!” dhe “Shqipëria nuk është në shitje”, ndërsa në shenjë revolte janë ndezur edhe flakadanë, duke krijuar një moment të fortë gjatë tubimit.
Ky veprim është konsideruar si një nga momentet kulmore të protestës së sotme, duke përcjellë mesazhe kundërshtuese ndaj qeverisë dhe situatës politike në vend.
Studentët e kanë lidhur këtë simbolikë edhe me protestat e vitit 2018, të cilat mbeten ndër më të mëdhatë studentore në Shqipëri që nga viti 1991.
