Partitë politike në Kosovë vijojnë të mos zhvillojnë bisedime konkrete për formimin e institucioneve të reja, ndërsa Komisioni Qendror i Zgjedhjeve është pranë certifikimit të rezultatit të zgjedhjeve të 7 qershorit.
Njohësit e zhvillimeve politike vlerësojnë se bashkëpunimi mes partive është i domosdoshëm për krijimin e një qeverie stabile dhe zgjedhjen e presidentit.
“Do të ishte e rrugës që vërtetë Lëvizja Vetëvendosje, përveç që të zgjedhë presidentin, të krijojë edhe qeverinë me ndonjërën prej subjekteve politike shqiptare”, u shpreh analisti politik Arbnor Sadiku.
Sipas rezultateve zgjedhore, Lëvizja Vetëvendosje ka siguruar 53 mandate, duke fituar të drejtën për të propozuar kryetarin e Kuvendit dhe për të tentuar formimin e qeverisë. Megjithatë, zgjedhja e presidentit kërkon marrëveshje politike dhe sigurimin e kuorumit në Kuvend.
