Gjatë protestës para Kryeministrisë, një emigrant që mori fjalën nga podiumi deklaroi se shqiptarët janë populli më proamerikan dhe proevropian në Ballkan, ndërsa theksoi se protesta është kundër qeverisë dhe jo kundër partnerëve ndërkombëtarë.
Ai kërkoi dorëheqjen e kryeministrit Edi Rama dhe lirimin e të arrestuarve gjatë protestës së një dite më parë para Kuvendit.
Në fjalën e tij, emigranti ndau edhe përvojën personale si investitor në Shqipëri, duke pretenduar se ishte përballur me pengesa dhe humbje financiare.
Sipas tij, rinia dhe diaspora përfaqësojnë të ardhmen e vendit dhe janë faktorë kyç për zhvillimin dhe integrimin evropian të Shqipërisë.
