Vijon protesta e 36-të kundër qeverisë së kryeministrit Edi Rama, ku këtë herë në tubim janë bashkuar edhe përfaqësues të diasporës shqiptare.
Gjatë protestës, një prej emigrantëve mbajti fjalim nga podiumi, duke bërë thirrje për bashkim dhe ndryshim politik në vend.
“Bota ka kthyer sytë te ne. Ne duhet të tregojmë se e duam demokracinë dhe se nuk e meritojmë këtë kryeministër dhe qeveri. Më shumë se kurrë duhet një front i përbashkët për një qëllim. Kërkohet një bashkim i madh që të jemi të gjithë. Protesta e madhe të sjellë një produkt. Ka njerëz të infiltruar që vijnë këtu për të na përçarë, por sot jemi për një ndryshim,” u shpreh emigranti gjatë fjalës së tij në protestë.
