Deputeti i Partisë Demokratike, Klevis Balliu, ka akuzuar qeverinë për mënyrën se si po trajton protestat e qytetarëve, duke pretenduar se ndaj tyre po ushtrohet presion dhe po kërkohet ndëshkim penal.
Në një reagim në rrjetet sociale, Balliu shprehet se përfaqësues të mazhorancës kanë kërkuar arrestimin e protestuesve dhe, sipas tij, kanë bllokuar gjithashtu procedura parlamentare që lidhen me çështje të rëndësishme të drejtësisë.
Postimi i Balliut:
Narkopushtetarët, si Llambadari i qeverisë dhe Taulant Balla, që kërkuan burgosjen e qytetarëve, janë po ata që me votën e kartonëve penguan drejtësinë për arrestimin e Lubi Ballukut.
Ndërkohë, protestuesit jo vetëm u arrestuan, por edhe u dhunuan.
Kjo situatë nuk mund të vazhdojë kështu. Prandaj, protesta qytetare duhet të mbështetet për të shpëtuar vendin nga dhunuesit e qytetarëve.
Sot, edhe më shumë.
