Sekretari i Përgjithshëm i NATO-s, Mark Rutte, ka deklaruar se aleatët evropianë dhe Kanadaja i kanë rritur tashmë shpenzimet e përgjithshme për mbrojtjen në rreth 4% të Prodhimit të Brendshëm Bruto (PBB).
“Gjatë vitit të kaluar, aleatët evropianë dhe Kanadaja shpenzuan rreth 20% më shumë për mbrojtjen bazë krahasuar me një vit më parë. Duke marrë së bashku vitet 2025 dhe 2026, kjo përkthehet në 258 miliardë dollarë investime shtesë, dhe kjo prirje po vazhdon“, tha Rutte.
Ndërsa shtoi se vetëm një vit pas nisjes së programit 10-vjeçar, aleatët evropianë dhe Kanadaja po investojnë tashmë rreth 4% të PBB-së së tyre në mbrojtje dhe siguri.
