Po ashtu si në dy takime në kryeqytet edhe në Durrës, Lulzim Basha është pritur me protesta nga një grup mbështetësish të Sali Berishës. Pak minuta para nisjes së një takimi të Bashës, në Durrës, mbështetës të tij dhe mbështetës të Sali Berishës kanë krijuar një situatë të tensionuar në qendër të qytetit.
Ndërsa mbështetësit e Bashës janë mbledhur para Pallatit të Kulturës, ku mbahet takimi në sheshin kryesor, disa dhjetëra persona të tjerë, me pankarta kundër Bashës, u mblodhën po aty.
Mes palëve pati edhe shkëmbim fyerjesh, ndërsa efektivë të shumtë të forcave të policisë janë rreshtuar mes tyre për të shmangur përleshjen fizike.
