Kreu i Partisë Demokratike, Sali Berisha, ka sulmuar ashpër Kryeministrin Edi Rama dhe veprimet e tij gjatë një takimi me drejtuesit politikë të PD-së në qarqe.
Berisha e ka akuzuar Ramën se ka shndërruar Shqipërinë në një vend ku një individ ka në duar çdo pushtet dhe është i gatshëm të bëjë çdo gjë për të mbrojtur interesat e tij.
“Me vendimin që Edi Rama mori për të mbrojtur veten dhe Ballukun, ai doli para shqiptarëve dhe botës si njeriu që ka në duar çdo pushtet. Ai është i vendosur të marrë çdo vendim kundër qytetarëve shqiptarë, kundër Shqipërisë, për të shpëtuar lëkurën e tij dhe për të ruajtur pushtetin absolut që ka krijuar. Ky është ligji i diktatorëve: lidhjet e tyre me krimin janë të forta dhe ata janë të gatshëm të bëjnë gjithçka për të mbrojtur veten e tyre,” tha Sali Berisha, Kryetar i Partisë Demokratike.
