Direkt pas vendimit të KQZ-së, për mos pranimin e Berishës në koalicioni me Kryemadhin dhe Ndokën ka reaguar deputeti Gazmend Bardhi.
Në një postim në twitter, Bardhi është shprehur se në zgjedhjet e 6 mars ka vetëm një Parti Demokratike. Po ashtu ai ironizion koalicionin midis LSI-së dhe PDK-së duke e cilësuar si “Shtëpia e Ilirit”
“Koha ku demokratët strehoheshin në “Shtëpinë e Ilirit”, për interesa të rritjes së pazarit të tij me Edi Ramën ka përfunduar! Koha që nëpërmjet rritjes së LSI me demokratë të dhënë borxh, t’i shërbehet pushtetit të Edi Ramës ka përfunduar. Partia Demokratike është shtëpia e vetme e demokratëve,” ka shprehur në fund të postimit të tij Gazmend Bardhi.
Përtej çdo makinacioni dhe mashtrimi politik, në 6 Mars ka vetëm një Parti Demokratike në zgjedhje. KQZ sapo zyrtarizoi koalicionin “Shtëpia e Ilirit”, me parti përbërëse vetëm LSI e Monika Kryemadhit dhe PDK e Nard Ndokës. Demokratët nuk i lidh asgjë me “Shtëpinë e Ilirit”. pic.twitter.com/Fs5o1wIRhM
— Gazment Bardhi (@GazmentBardhi) February 4, 2022
