Partia Demokratike ka akuzuar qëndrimin e Ermonela Felaj, duke mos I dhënë shpjegim pse kjo e fundit po i mbron inceneratorët. Sipas tyre pas Felaj është ajo që ka vjedhur direkt nga buxheti i shtetit duke pasuruar inceneratorët.
Postimi i plotë i PD-së
Nga qëndrimi i rezervuar tek mbrojtëse e flaktë e inceneratorëve. Ndryshimi i qëndrimit nga Felaj është i pashpjegueshëm, aq më shumë kur çdo ditë zbulohen fakte të tmerrshme të kësaj afere korruptive prej 430 milion eurosh.
Nënkryetarja e Komisionit Hetimor për Inceneratorët, Ermonela Felaj, në funksionin e saj si ministre shteti për marrëdheniet me Parlamentin, ka qenë pjesëmarrëse në procedurat e dhënies me konçesion të inceneratorëve.
Sot shqiptarët e shohin se si janë vjedhur paratë e tyre.
• Pagesat për inceneratorin e Tiranës kanë filluar 2 vjet para se të nisin punimet;
• Incenerimi nuk ka nisur, por prej 2018-ës qytetarët paguajnë 29 euro/ton;
• 850 mijë euro të faturuara për udhëtime në mes të pandemisë;
• 10 milionë lekë në muaj janë paguar për Edmond Bllako, babai i deputetit socialist Alqi Bllako;
• Dokumentet tregojnë se Administratori i incenerarorit të Fierit është paguar me 9 milionë lekë në muaj, por ky fakt mohohet prej ti.
Një proces i tillë ku është përfshirë thuajse e gjithë qeveria nuk do të ishte e mundur pa dijeninë dhe miratimin e Edi Ramës.
Edi Rama është i korruptuar.
Qeveria e tij është e korruptuar.
Me këta në krye, Shqipëria nuk mund të ketë zhvillim.
Shqiptarët duhet ta braktisin të shkuarën dhe të korruptuarit!
