Gjykata e Shkodrës vendosi sot masën e sigurisë arrest në burg 35 ditë për Eduart Kësollën, i cili akuzohet për vrasjen e Prek Tonaj në Shkodër.
30-vjeçari nuk e ka pranuar krimin, pavarësisht se prokuroria thotë se është ai autori dhe e ka bërë për gjakmarrje.
Kësolla heshti në gjyq. Qëndrimin e tij e mbajti avokati që kërkoi prova konkrete. Për këtë arsye gjykata i la prokurorisë 35 ditë kohë për të gjetur provat ose në të kundërt, Kasolla lirohet.
Eduart Kësolla u arrestua ditën e hënë dhe mbi të rëndon akuza për veprën penale “Vrasja për gjakmarrje”, pasi nga tërësia e veprimeve hetimore të kryera dyshohet si autor i vrasjes së 47-vjeçarit Prekë Tonaj, për motive gjakmarrje.
/5pyetjet.al
