Sali Berisha mbrëmjen e sotme nga Durrësi pranoi për herë të parë se Lulzim Bashën e ka sulmuar pa fakte. Ai tha se e ka akuzuar për “peng” të Edi Ramës pa fakte, por vetëm duke gjykuar nga qëndrimet e tij.
Më pas tha ish-kryeministri, dolën faktet, që po sipas tij është dosja Toyota Yaris, që “ia mbyll Rama”. Por sipas Berishës ai dekonspiroi operacionin policor, dhe cdo njeri që e bën këtë arrestohet.
“Para katër muajsh, kur unë thosha se ai është peng, e kisha të qartë, që shumë njerëz që shumë njerëz e kishin të vështirë ta besonin, por edhe unë faktet që dolën mbrapa nuk është se i kisha, por unë gjykoja nga qëndrimet e tij.
Se qëndrimet e atilla që mbante ai i bën vetëm njeriu që nuk është vetja e tij, sepse njeriu që është vetja e tij nuk i bën kurrë ato veprime, por gradualisht dolën fakte dhe gjëra.
U bë e qartë që çështja Toyota Yaris, u reshtua me një organizatë kriminale, por dekonspiroi operacionin policor dhe cdo njeri që dekonspiron një operacion policor, ai vendoset në pranga, përpara drejtësisë.
Sepse ndihmon krimin. Prokuroria shqiptare i hapi dosjen, por ia mbylli Rama, por jo në Belgjikë dhe nuk ia mbyllë dot, Belgjika do i shkojë deri në fund” tha ai.
/5pyetjet.al
