Një shtetas maroken është proceduar nga policia pasi ka tentuar të hyjë në Shqipëri me gati 14 mijë euro të padeklaruara.
“Shërbimet e Policisë Kufitare Rinas në bashkëpunim me autoritetet doganore, në vijim të kontrolleve për goditjen e paligjshmërisë, bazuar në analizën e riskut dhe kontrolleve me përzgjedhje, në hyrje të RSH-së, kanë kaluar në vijën e dytë, për kontroll më të imtësishëm, shtetasin M. B., 47 vjeç, lindur në Marok dhe banues në Belgjikë.
Gjatë kontrollit të ushtruar iu gjetën e sekuestruan në cilësinë e provës materiale 13915 euro, të cilat ky shtetas nuk i kishte deklaruar”, bën të ditur policia.
Më tej, policia nisi një procedim penal ndaj 47-vjeçarit, i cili është banues në Belgjikë.
