Në Policinë e Shtetit janë realizuar disa ndryshime të rëndësishme. Zv/drejtori i Drejtorisë Vendore të Tiranës, Besmir Dervishi, është zëvendësuar nga Oliger Torba.
Alban Dautaj, deri tani drejtor i Antiterrorit, është emëruar drejtor i Operacionales, ndërsa Edmond Sula ka marrë drejtimin e Antiterrorit.
Po ashtu, Gentian Ndoj, drejtori i Krimit Ekonomik, është larguar dhe do të emërohet zv/drejtor në Dibër.
Shefi i Komisariatit nr. 2 në Tiranë, Ermal Kënaçi, është transferuar në Kukës. Këto ndryshime synojnë përmirësimin e funksionimit të strukturave të policisë dhe forcimin e luftës kundër krimit.
