Inteligjenca ukrainase ka publikuar një listë të pilotëve rusë që planifikojnë të nisin sulme me raketa dhe bomba në qytetet ukrainase nga territori i Bjellorusisë.
Lajmi është bërë i ditur në Facebook nga shërbimi për shtyp i Drejtorisë kryesore ukrainase të Inteligjencës në Ministrinë e Mbrojtjes (GRU).
“Çdo ukrainas duhet t’i dijë emrat e tyre! Drejtoria kryesore e Inteligjencës e Ministrisë së Mbrojtjes së Ukrainës ka publikuar një listë të personelit fluturues të aviacionit strategjik të Forcave Ajrore të Rusisë, i cili është planifikuar të transferohet në fushat ajrore të Republikës së Bjellorusia të kryejë sulme me raketa dhe bomba në qytetet e Ukrainës”, tha shërbimi i inteligjencës.
Më herët, u raportua se pushtuesit rusë po bombardonin qytetet ukrainase nga ajri me bomba të padrejtuara në rënie të lirë./5pyetjet.al
