Kjo javë ka nisur e përgjakshme në kryeqytetin e Ukrainës, Kiev, i cili është bombarduar nga ushtria ruse.
BBC shkruan se të paktën një person ka ndërruar jetë dhe tre të tjera kanë mbetur të plagosur në radhët e civileve, pasi një pallat është goditur nga bombat ruse.
Shërbimi Shtetëror i Emergjencave të Ukrainës bën të ditur se dy trupa u gjetën dhe tre persona u dërguan në spital rreth orës 07:40 të mëngjesit të së hënës.
Në internet janë publikuar edhe foto nga pallati 9-katësh i bombarduar, ndërsa zjarrfikësit janë duke punuar për t’u ardhur në ndihmë banorëve të tjerë.
