Tre shtetas shqiptar dhe një grek janë vënë në pranga nga policia në Athinë pasi janë kapur me kokainë dhe armë zjarri.
Mediat greke shkruajnë se në operacionin e zhvilluar në kryeqytetin grek në Athinë, janë arrestuar tre shqiptarë të moshës 36, 46 dhe 48 vjeç dhe një 45-vjeçar grek, të cilët akuzohen për trafik kokaine dhe armëmbajtje pa leje.
Bashkë me 10 kilogramë kokainë u sekuestruan edhe 2 pistoleta. 48-vjeçari shqiptar dhe 45-vjeçari grek ishin poseduesit e kokainës të cilët do ta trafikonin atë për llogari të të tjerëve.
Ndërkaq, njëri prej të arrestuarve, 36-vjeçari shqiptar posedonte gjithashtu në shtëpinë e tij në Athinë një pjesë të kokainës së sekuestruar dhe një pistoletë, shkruajnë mediat greke. Gjithashtu edhe 46-vjeçari shqiptar që ka rënë në prangat e policisë greke zotëronte kokainë dhe armë zjarri.
