Ish kandidatja e Nismë Thurje dhe e bija e Azem Hajdarit, Rudina Hajdari ka shprehur dëshirën për tu rikthyer sërish pranë PD-së.
E ftuar në Klan News, ajo tregoi për mbështetjen e saj edhe për kongresin e 11 dhjetorit dhe për Berishën.
Rudina Hajdari: Të rikthehem në gjirin e Partisë Demokratike, duke u takuar me nivelet më të larta të degëve të PD-së të gjithë strukturës së antarësisë, me njerëz intelektualë, me njerëz që kanë kontribuar gjatë kësaj periudhe me një opozitë të shëndetshme.
Teksa beteja brenda PD vijon ende, Rudina Hajdari e ka të qartë se cilin krah mbështet.
Rudina Hajdari: Ndryshimet që kanë ndodhur në statut, në kongresin e 11 Dhjetorit, shikoj që pesha më e madhe i jepet anëtarësisë, kështu që risitë që sjell ky lloj statuti i ri do japin ndryshim rrënjësore për PD, që mos përsëriten më gabimet e së kaluarës. Ky statut i jep më shumë peshë antarësisë, dhe i dobëson rolin kryetarit të partisë. Këto lloj ndryshime që ka miratuar gjykata janë ndryshime të shëndetshme.
Por a synon të kryesojë Partinë Demokratike?
Rudina Hajdari: Kam ardhur për zgjedhur zgjidhjen e krizës, por në momentin që do hidhet ky hap do të jemi këtu e do ta diskutojmë sërish.
