Mësohet se kryeministri Rama do të fluturojë për në Gjermani ditën e diel, ku do të takohet edhe me kancelarin Olaf Scholz. Mësohet se Rama pritet të diskutojë me Olaf Scholz në lidhje me integrimin e Shqipërisë në BE dhe me luftën në Ukrainë.
Të shtunën, Partia Socialiste do të mbajë Kongresin, për të cilin Rama tha këtë të mërkurë se nuk do të jetë si përpara, pasi kësaj radhe do të marrin pjesë edhe grupe të interesit.
“U mblodhën kështu se pas tre ditësh do të angazhohemi në kongres. Ky format, besoj që është edhe shumë i favorshëm që secili të japë kontributin e tyre nëse kanë diçka konkrete për të thënë për kongresin. Kongresi në pjesën e parë do të jetë i hapur për grupet e interesit. Në një numër panelesh të shtrira jashtë sallës së kongreseve, qoftë në pjesën përpara saj, qoftë në bulevard, qoftë te sheshi “Nënë Tereza” apo “Italia”.
Do i përkushtohemi disa temave, që i kemi identifikuar si të dorës së parë duke filluar nga politika e jashtme. Shqipëria, rajoni dhe marrëdhëniet tona me Europën.
Te tema e energjisë, që sot ka rëndësi edhe më të veçantë. Tek tema tjetër e shëndetit dhe mirëqenies dhe e rinisë” tha Rama.
