Deputeti i PD-së, Flamur Noka u shpreh se Lulzim Basha i është përgjëruar që të bëhet pjesë e listës së tij elektorale në zgjedhjet e 25 prillit 2021. Ai tha se ish-kreu i PD ka insistuar gjatë duke u lutur vetëm që Noka të bëhej pjesë e skuadrës së tij si kandidat.
“E kam kuptuar me kohë. Unë kam refuzuar të kandidoj në zgjedhjet e 25 prillit me firmën e Lulzim Bashës. Basha më është lutur disa ditë me radhë dhe negociata serioze vetëm e vetëm që unë të pranoj të bëhem deputet.
Por unë dija shumë gjëra, shumë pazare dhe që kishte kohë të fuste thikën pas shpine ndaj PD-së. Prandaj nuk kam pranuar dhe pas shumë negociatave, për hir të demokratëve pranova që mos dëmtohej fushata”, tha Noka.
