Një tragjedi e dyfishtë ka ndodhur në një familje në provincën e Agrigento-s në Itali, ku u gjetën të vdekur nënë e bir. Një 52-vjeçar ka vendosur t’i japë fund jetës së tij, me një revole të mbajtur ligjërisht. Nëna, një pensioniste 83-vjeçare, u gjet e vdekur në dhomën ngjitur, pasi me shumë gjasa pësoi atak në zemër pasi pa të birin pa jetë.
Trupat e të dyve u gjetën nga djali tjetër i familjes, i cili njoftoi menjëherë instancat përkatëse, të cilat dalluan se trupi i 52-vjeçarit ishte ftohur. Ndërsa e moshuara ishte ende e nxehtë, shenjë evidente se ka pësuar një infarkt në zemër, sipas mediave italiane.
