Një sasi e konsiderueshme nafte kontrabandë është sekuestruar nga autoritetet policore në fshatin Qukës të Prrenjasit.
Kjo naftë nuk kishte faturë doganore dhe rezulton se ishte futur kontrabandë në vendin tonë dhe mbahej e depozituar në magazinën e një restoranti në pronësi të Ylli Kryeziut 53 vjeç.
Ky i fundit është arrestuar nga policia për akuzat e kontrabandë me mallra për të cilat paguhet akcizë, ruajtje ose depozitim i mallrave kontrabandë dhe fshehje e të ardhurave.
Autoritetet sekuestruan 1250 litra karburant ndërsa nga verifikimet ka rezultuar se 53-vjeçari ka tregtuar karburant duke fshehur të ardhurat.
Materialet i kaluan Prokurorisë pranë Gjykatës së Shkallës së Parë Elbasan, për veprime të mëtejshme.
