Kolegji i Posaçëm i Apelimit vendosi sot që të pranojë kërkesën e drejtueses së prokurorisë së Tiranës, Elizabeta Imeraj për riçelje të hetimit gjyqësor ku janë pranuar provat shtesa që ajo ka kërkuar.
“Pasi dëgjuam parashtrimit e komisionerit publik dhe atë të subjektit te rivlerësimit, trupa vendosi të riçelë hetimin e të merren provat e depozituara nga Elizabeta Imeraj. Riçelet hetimi gjyqësor.
Është rrëzuar kërkesa për thirrjen e dëshmitarëve. Si dhe refuzohet kërkesa për të thirrur si dëshmitarë anëtaret e KLPK të shkallës së parë veting si dhe Teo Jacobs’”, ka thënë drejtuesja e trupës gjyqësore, Ina Rama.
Shkalla e parë e konfirmoi në detyrë, por përfaqësuesi i OMN përmes Komisionerit Publik e ankimoi vendimin në Kolegj, ku beteja vazhdon.
