Inteligjenca ukrainase ka bërë me dije se forcat ushtarake ruse kanë arrestuar zëdhënësin ushtarak të separatistëve pro-rusë të rajonit të Donetskut, Eduard Basurin nën akuzën se ka zbuluar planin për përdorimin e armëve kimike në Mariupol.
Basurin është marrë nga ushtarët ruse dhe është dërguar në një destinacion të panjohur, pas një interviste me oficerët e FSB-së.
Inteligjenca ukrainase gjithashtu njofton se shërbimet speciale ruse po kryejnë spastrime nga komanda e ushtrisë ruse dhe në formacionet ilegale të të ashtuquajturës Republika Popullore e Donetskut për dështimin e ofensivës.
