Këshilli i Ministrave ka miratuar pak ditë më parë rregulloren e Përgjithshme të Burgjeve.
Në vendimin e botuar shihet se janë miratuar nenet për ligjin “Për të drejtat dhe trajtimin e të dënuarve me burgim dhe të paraburgosurve”, “Për Policinë e Burgjeve”, si dhe për ligjin “Kodi i Drejtësisë Penale për të Mitur”.
Në udhëzim theksohej se punonjësve të policisë së Burgjeve nuk u lejohet që të kenë kontakte me të inkriminuar përfshirë këtu komunikimin dhe as shoqërimin me ta.
Punonjësve të policisë së Burgjeve nuk u lejohet që të kenë kontakt as me familjarët e të burgosurve.
Në një tjetër pikë thuhet se punonjësit e policisë së Burgjeve nuk duhet të angazhohen dhe të jenë anëtar i ndonjë partie politike.
