Këshilli i Lartë i Shtetit ka dorëzuar ditën e sotme në Kuvend raportin vjetor për auditimet e kryera.
Sipas raportit të KLSH-së rezulton se në buxhetin e shtetit është kryer një dëm prej 616 milionë euro, në vitin 2021.
Dëmi përllogaritet i tillë: 458 milionë euro ka ardhur si pasojë e efekteve negative me përdorim joeficent të shpenzimeve dhe të ardhurave të munguara në buxhet ndërsa pjesa tjetër 158 milionë euro llogaritet dëm i pastër ekonomik për buxhetin.
KLSH ka konstatuar shkelje edhe në fushën e prokurimeve ku konstatohet paligjshmëri në përdorimin e fondeve publike, me shpalljen fitues të operatorëve ekonomik në mungesë të plotësimit të kritereve dhe specifikimeve te vendosura në dokumentet e tenderi.
“Gjatë prokurimeve konstatohet paligjshmëri në përdorimin e fondeve publike, me shpalljen fitues të operatorëve ekonomik në mungesë të plotësimit të kritereve dhe specifikimeve te vendosura në dokumentet e tenderit”.
Shkeljet më të mëdha janë konstatuar në përballimin e COVID-19, ku tenderët janë dhënë pa zhvillim prokurimi dhe me negocim të drejtpërdrejtë.
Për këto shkelje Kontrolli i Lartë i Shtetit ka kallëzuar penalisht 62 zyrtarë janë për shkelje e abuzime me detyrën, 6 prej të cilëve janë dërguar për hetim në SPAK.
