Partia Socialiste nuk ka marrë asnjë vendim për përjashtimin e djalit deputet të Aqif Rakipit, Orlando Rakipi. Babai i tij u shpall “non grata” nga Shtetet e Bashkuara të Amerikës, por sipas socialistëve përgjegjësia është personale.
“Nëse ka diçka që ne si familje politike dallohemi nga të tjërët është se kurrë nuk kemi përdorur standarde të dyfishta.
Qëndrimi ynë është i njëjtë gjithmonë dhe ne i respektojmë vendimet e Shteteve të Bashkuara, aleatit tonë strategjik” tha Balla.
Sakaq, në mbledhjen e sotme fokusin më të madh e kishte procesi i zgjedhjes së presidentit të ri. Deputetë socialistë hodhën në kuti zarfin me tre emra për kreun e shtetit.
Kryeministri Edi Rama foli gjatë për presidentin e ri, ku theksoi se duhet të zgjedhin një president normal, teksa Ilir Metën e cilësoi si më skandalozin që ka njohur historia.
