Banka Botërore ka ulur parashikimin e saj për rritjen globale për shkak të pushtimit të Ukrainës nga Rusia.
Në një thirrje për media të hënën, Presidenti David Malpass, tha se banka kishte ulur vlerësimin e saj të rritjes në vitin 2022 nga 4.1% në 3.2%, të udhëhequr nga ngadalësimet e rritjes në Evropë dhe Azinë Qendrore.
Në fillim të këtij muaji, institucioni tha se ekonomia e Ukrainës do të tkurej pothuajse me gjysmën e këtij viti si rezultat i luftës.
Ai parashikon se pushtimi i Rusisë do të shkaktojë më shumë dëme ekonomike në të gjithë Evropën Lindore dhe pjesë të Azisë, sesa pandemia e koronavirusit.
Konflikti në Ukrainë ka mbyllur gjysmën e bizneseve të vendit dhe ka ulur eksportet, tha Banka Botërore.
Banka ka dërguar pothuajse 1 miliardë dollarë ndihmë në Ukrainë deri më tani dhe ka premtuar 2 miliardë dollarë të tjerë në muajt e ardhshëm.
