Policia e Kosovës ka dhënë detaje për operacionin antidrogë sot në Mitrovicë.
Zëdhënësi i Policisë së Kosovës, Baki Kelani, ka thënë se operacioni po zhvillohet në vijim të parandalimit dhe luftimit të veprave penale të narkotikëve
Ai ka thënë se detajet e plota do të jepen pas përfundimit të operacionit.
“Policia e Kosovës, në vazhdën e parandalimit dhe luftimit të veprave penale në përgjithësi e në veçanti ndaj narkotikëve, është duke zhvilluar një operacion policor. Për detaje dhe informacione shtesë lidhur me këtë operacion policor i cili është duke u zhvilluar në bashkëpunim dhe koordinim me prokurorinë kompetente, do të njoftoheni pas përfundimit të operacionit policor”, ka thënë Kelani.
