Deputeti Dashamir Shehi gjatë diskutimit në Kuvend të projektligjit për huamarrje për ujësjellësin e Tiranës kërkoi strategji si do të harxhohen lekët. Ai tha se kryeqyteti sot nuk furnizohet me ujë 24 orë. Ai kishte edhe një ankesë personale me depozitat.
“Uji është me orar akoma, do të marrë ca masa kjo qeveri? Jetoj vetë në pallat në katin e pestë, kam 16 depo sipër, dhe këtë punë e di shumë mirë se kam 25 vite që e vuaj. Gjysma e pallateve kanë pompa se nuk ka presion. Jam i sigurt që brenda Tiranës, ka rreth 120 mln euro mbi tarraca, depo uji dhe pompa, e kanë bërë vetë qytetarët” tha ai.
