Tre ditë më parë, vëllai i Ilir Markut bëri denoncimin në polici për zhdukjen e tij, dhe në mbrëmjen e të mërkurës policia arrita të gjente trupin e 36-vjeçarit në bunker, në zonë e Institut.
Dyshimet e para të policisë si dhe të banorëve të zonës që e njihnin Markun, kishin të bënin me vdekje nga mbidoza, për shkak se ai ishte përdorues i lëndëve narkotike.
Përdorimi i lëndës narkotike vendosi në lëvizje uniformat blu, të cilat nuk e lanë me aq ngjarjen. Ditën e zhdukjes së 36-vjeçarit mësohet se ai ka qenë duke konsumuar lëndë narkotike së bashku me shokun e tij Mariglen Isufi, por situata ka dal jashtë kontrollit.
Marku ka humbur ndjenjat dhe shoku i tij jo vetëm që nuk i ka dhënë ndihmën e parë, por e ka lënë në lëndinën me bar.
Ditën tjetër, Isufi ka shkuar sërish tek vend, ku kishte lënë pa ndjenja Marku, por këtë herë i riu nuk kishte më as shenja jete, tejet i frikësuar ai e ka tërhequr për 15 metra duke e futur brenda në bunker dhe e ka lënë atje të mbuluar me kartona.
Një ditë pas gjetjes së trupi, policia ka njoftuar edhe për arrestimin e Mariglen Isufit për fshehje të kufomës.
Njoftimi i policisë
Fshehu në një bunker trupin e shokut që kishte ndërruar jetë duke penguar zbulimin e të vërtetës, vihet në pranga 29-vjeçari.
Specialistët për Hetimin e Krimeve në Komisariatin e Policisë Nr. 3 bënë arrestimin në flagrancë të shtetasit:
M. I., 29 vjeç, banues në Tiranë, për veprën penale “Veprime që pengojnë zbulimin e dë vërtetës”.
Sipas veprimeve hetimore të kryera, ka rezultuar se shtetasi M. I., është lidhje shoqërore me shtetasin I. M., 36 vjeç, i cili u gjet ditën e djeshme, në një bunker, pa shenja jete dhe pa shenja dhune.
Nga verifikimet e kryera ka rezultuar se këta dy shtetas, më datë 17.04.2022, kanë qenë duke konsumuar lëndë narkotike, dhe shtetasi I. M., ka gjetur vdekjen, ndërsa shtetasi M. I., ka transportuar trupin e të ndjerit në bunker, duke kryer veprime që pengojnë zbulimin e të vërtetës.
Materialet procedurale i kaluan Prokurorisë pranë Gjykatës së Shkallës së Parë Tiranë, për veprime të mëtejshme.
