Deputetja e PD-së, Jorida Tabaku është e ndërgjegjshme për situatën ku ndodhet partia më e madhe në opozitë. Ajo tha sot në parlament, se PD është në momentin më të keq, por guximi nuk i mungon.
“Vijnë dhe na sulmojnë ne që kemi 8 vite në opozitë. PD sot nuk është në situatën më të mirë, unë do të doja që të ishte në qeverisje, është e kotë të gënjejmë veten të themi, jemi mirë, shumë mirë dhe të fortë.
Nuk jemi mirë, dhe shumë të fortë. Por guximin për t’i thënë gjërat në sy e kemi dhe nuk na mungon. Për ti vendosur përpara përgjegjësisë për atë që kanë thënë dhe kanë bërë. Asnjë këtu në parlament nuk e pi ujin nga çezma” tha ajo.
