Në Suedi, komuniteti mysliman zhvilloi protesta për shkak se politikani Rasmus Paludan dogji librin e shenjtë të islamit, Kuranin.
Kosovari me shtetësi suedeze, Naim Murseli, e ka denoncuar në polici politikanin ”ekstrem”, që dogji librin e shenjtë.
Murseli është edhe këshilltar i kreut të AKR-së, Behgjet Pacolli.
Rasmus Paludan, lideri i Partisë të ekstremit të djathtë Drejtimi i Ngushtë (Stram Kurs), dogji Kuranin në prani të policisë në një vend publik në qytetin suedez Linkoping, para disa ditësh.
Paludan, i shoqëruar nga policia, erdhi në zonën publike në një vendbanim ku jetojnë myslimanët dhe më pas i vuri flakën Kuranit me një çakmak.
