Pasditen e kësaj të diele një grup masiv qytetarësh kanë zhvilluar protestën e parë para Ministrisë së Brendshme në Tiranë kundër ndërtimeve në bregdetin e Zvërnecit në Vlorë, të cilët kërkojnë që ndalen menjëherë punimet nga kompania “Zvërnec South Adriatic Development”, sipas tyre kompania projektuese po punon në zonën e mbrojtur.
Disa nga aktivistët e shoqërisë civile kanë kërkuar dorëheqjen e Kryeministrit Edi Rama pasi sipas tyre në krye të shtetit komandojnë bandat të cilët synojnë vjedhjen e pronave të qytetarëve nga jugu deri në veri të vendit.
Njëri prej protestuesve ka thënë se nga protesta do të kalojmë në revoltë, e cila do të nis nga drejtoria e policisë deri te koka e Kryeministrisë.
“Ejani mblidhuni këtu-këtu, Shqipëria është e shqiptarëve jo e ndërkombëtarëve”- brohorasin protestuesit.
