Një zjarr ka shpërthyer në një depo nafte në rajonin Bryansk të Rusisë, njoftoi të hënën agjencia shtetërore e lajmeve “TASS” duke cituar burime qeveritare.
“Ministria e Emergjencave ka konfirmuar se ka një zjarr. Ekziston gjithashtu një konfirmim se janë rezervat e karburantit”, raportoi TASS, duke cituar zyrën e shtypit të qeverisë.
Ministria e Situatave të Emergjencave të Rusisë në Bryansk mori raporte për zjarrin në orën 2 të mëngjesit me kohën e Moskës, sipas “TASS”. Ministria dërgoi ekipet e shpëtimit në vendngjarje dhe këto konfirmuan se zjarri ishte në një depo nafte, tha ajo.
Shkaku i zjarrit mbetet i paqartë. Më 14 prill, organi më i lartë i zbatimit të ligjit të Rusisë tha se po hetonte një sulm të supozuar me helikopter ukrainas në rajonin Bryansk, vetëm disa ditë pasi Kremlini akuzoi Ukrainën për sulmin me helikopter në një depo karburanti në rajonin fqinj Belgorod.
