Për shkak të mesazheve anonime kërcënuese që u shfaqën mëngjesin e sotëm disa shkolla në të gjithë Malin e Zi u evakuuan.
Shkollat e Podgoricës kanë marrë rekomandim nga Drejtoria e Policisë (UP) që nxënësit të cilët janë në turnin e dytë, të mos vijnë në mësim.
Është raportuar se bomba dyshohet se është vendosur në shkollën fillore Savo Iliq në Kotorr dhe në shkollat fillore Blazho Jokov Orlandić, Anto Đedovic, Kekec dhe Srbija në Tivar, prandaj nxënësit janë kthyer në shtëpi mëngjesin e sotëm.
Në Berane janë evakuuar dy shkolla fillore në qytetin “Vuk Karaxhiq” dhe “Radomir Mitrovic”, si dhe “Lubnica”, “Polica”, “Donja Rzanica”.
Gjithashtu janë evakuuar gjimnazi “Panto Malishiq” dhe shkolla e mesme e mjekësisë “Dr Branko Zogoviq”.
Gjithashtu janë evakuuar të gjitha shkollat fillore në Herceg Novi, kopshti dhe të dyja shkollat në Cetinje “Lovćenski partizanski odred” dhe “Njegoš”.
Me rekomandim të policisë është evakuuar shkolla e mesme “Mladost” në Tivat, por edhe në atë shkollë nuk raportohet për vendosje eksplozive.
U evakuuan shkollat e qytetit “Boshko Buha” dhe “Salko Aljkoviq” dhe disa shkolla rurale nga Pljevlja, “Vladislav Sl. Ribnikar” dhe “Sutivan” nga Bijelo Polje, “Vuko Jovović” nga Danilovgrad, “Aleksa Đilas Bećo” nga Mojkovac.
Njoftimi i policisë
Administratat dhe stafi mësimor i shkollave në të cilat policia ndërmerr aktivitete bashkëpunojnë me policinë dhe kanë informuar prindërit, ndaj prindërit duhet të vazhdojnë të komunikojnë me stafin mësimdhënës dhe administratat e shkollave për të vazhduar procesin mësimor pas përfundimit të aktivitetet policore.
