Donald Veshaj ka publikuar një video në TikTok duke interpretuar këngën e re të Elgit Dodës dhe Xhensila Myrtezajt.
Në videon në fjalë thuhet: “A e din ti, Sa dashni kam pas unë për ty! A e din ti se zemra për ty mu ka thy…”
Duket si një tjetër dedikim për Bora Zemanin. Pas daljes nga “BB VIP” Donaldi është shprehur shpesh që është penduar që e humbi moderatoren dhe po mundohet qe ta rifitoj atë.
Kohë më parë ai shkruante se ka mbyllur porta që nuk duhet t’i kishte hapur kurrë referuar lidhjes me Beatrix. Më tej shprehej se i ka kërkuar falje Borës dhe se po pret që me ndihmën e diellit dhe kohës “Bora të shkrihet”.
“Jam i lumtur për eksperiencën, por i penduar për humbjen time aty, një humbje që po mundohem ta rifitoj që në momentin që dola e këtu nuk po flas për çmimin e madh. Kam kërkuar falje aty ku duhet dhe ku meriton dhe kam mbyllur portat që nuk duhet t’i kisha hapur kurrë.
Me ndihmën e kohës dhe të diellit uroj që të shkrihet. Deri atëherë do bëj më të mirën që artin tim ta shpreh në format që unë di dhe dashamirësinë që kam marrë gjithë kësaj kohe ta kem mundësinë të jua kthe’’, shkroi mes të tjerash ai në reagimim e parë pas daljes nga BBV.
