Në jug-perëndim të Ukrainës, presidentja Maia Sandu ka kërkuar të sigurojë moldavët se nuk duhet të kenë frikë nga agresioni rus ndaj vendit të tyre në të ardhmen e afërt.
“Unë besoj se jemi të sigurt; tani për tani, Rusia nuk ka plane të qarta për këtë,” tha ajo për kanalin TVR Moldova.
Ajo megjithatë pranoi “me sa duket, çdo skenar është i mundur” dhe shtoi se do t’i njoftonte njerëzit nëse situata ndryshon.
Të martën, drejtori amerikan i Inteligjencës Kombëtare Avril Haines i tha Komitetit të Shërbimeve të Armatosura të Senatit të SHBA se Rusia synonte të ndërtonte një urë tokësore nga Krimeja në rajonin e shkëputur moldav të Transnistrisë. Por, tha ajo, Rusia nuk do të ishte në gjendje ta bënte këtë pa mobilizim të mëtejshëm ushtarak.
Shpërthimet në Transnistria muajin e kaluar – një territor separatist i kontrolluar nga Rusia në Moldavi në kufi me Ukrainën – kanë ngritur frikën për potencialin e përhapjes së konfliktit në Ukrainë.
Autoritetet separatiste thanë se “infiltruesit” ukrainas ishin përgjegjës, por presidenti ukrainas Volodymyr Zelensky fajësoi shërbimet speciale ruse.
