Një aksident i rëndë është shënuar mëngjesin e sotëm në Rrugën e Kombit. Dy të rinj nga Tropoja ishin duke udhëtuar nga Tirana drejt Kukësit.
Si pasojë e aksidentit njëri nga të rinjtë ka humbur jetën, ndërsa personi tjetër është shoqëruar drejt spitalit të Kukësit. Dyshohet se shkak i aksidentit ka qenë manovra e gabuar e mjetit.
Kukës/Informacion paraprak
Rreth orës 04:00, në autostradën Kalimash – Morinë, në afërsi të urës së Kolshit, mjeti tip “Benz”, në të cilin udhëtonin shtetasit A. Rr., 25 vjeç dhe Xh. L ., 19 vjeç, ka dalë nga rruga dhe ka rënë në humnerë.
Si pasojë, shtetasi A. Rr. ka humbur jetën.
Nga shërbimet e Policisë dhe të Zjarrfikëses është bërë e mundur nxjerrja e trupit të pajetë të shtetasit A. Rr. ndërsa shtetasi Xh. L., është dërguar në spitalin e Tiranës, në gjendje të rëndë shëndetësore.
Grupi hetimor ndodhet në vendngjarje dhe po punon për zbardhjen e shkaqeve të aksidentit.
