Ministri i Mbrojtjes, Niko Peleshi, ka shpërndarë një video në rrjetet sociale nga stërvitja Grupex-22, për të cilën shkruan se është mbyllur me sukses.
Më tej, ai zbulon se vendi ynë ka plane dhe ambicie të shtojmë flotën tonë në një të ardhme afatmesme.
“Përmbyllet me sukses stërvitja Grupex-22. Anijet e Forcës Detare testuan aftësitë dhe kapacitetet për zbatimin e ligjshmërisë në det në prag të sezonit turistik.
Efektivë të Forcës Detare kryen stërvitje dhe qitje bregdetare në përputhje me dokumentet stërvitore të FA dhe NATO-s. Plane dhe ambicie të shtojmë flotën tonë në një të ardhme afatmesme, për të rritur kapacitetet e mirëmbajtjes. Të gatshëm të bëhemi sërish vend pritës për stërvitjen “Defender ‘23” në tokë, ajër e det”, shkruan Peleshi.
Pak ditë më parë u bë publike pagesa që qeveria Shqiptare kishte bërë te kompania amerikane për blerjen e antitankeve.
