Zjarri në ishullin e Sazanit vijon duke u përhapur me shpejtësi të madhe ndikuar edhe nga era.
Ministria e Mbrojtjes që ka në varësi Emergjencat Civile deri tani është mjaftuar me ushtarët që ka çuar mbi 70, të cilët po luftojnë pa pajisje, por me lopata dhe mjete rrethanore për të shuar vatrat e zjarrit.
Flakët vazhdojnë që të shkrumbojnë gjithçka prej tre ditësh. Problemin do ta zgjidhte ndërhyrja nga ajri, por përse po heziton shteti? Nuk ka kapacitete?
“Një pjesë e helikopterëve Cugar të riparuar përmes praktikës së re të bashkëpunimit me Agjencinë e Prokurimit të NATO (NSPA) ndodhen në Shqipëri” tha sot ministria e Mbrojtjes.
Atëherë, nëse kjo është e vërtetë, përse nuk i ngrenë ministria helikopterët për të shuar zjarrin?
