Nga Artan Fuga
Dje u bë takimi i Natos. Në fakt, hyrja e Shqipërisë në NATO para një dekade e gjysmë ishte një arritje madhe jo thjesht e Partisë demokratike që qeveriste në atë kohë, por e Shtetit, dhe e Kombit!
Fitore e madhe e shqiptarëve!
Filmime nga dje sigurisht u dhanë t’i shohim ne qytetarët dhe të reflektojmë. Edhe unë bëra reflektimin tim.
Nuk kuptoj se përse Presidenti i Republikës nuk ishte ai që na përfaqësonte atje. Ose të paktën të ishte edhe ai!
Sepse atij i takon, po nuk shkoi nuk bën detyrën. Ai është kryetari i shtetit, ai është nënshkruesi i traktave ndërkombëtare dhe i marrëveshjeve, ai është komandant i ushtrisë!
Se kryeministrat nuk kanë punë me sigurinë e jashtme ushtarake të vendit. Eshtë mbi ta si mision kryesor. Ka mbi ta që e kanë detyrim. Ata zbatojnë politika konkrete për ta kryer në terren, por nuk e përfaqësojnë, nuk e kanë si detyrë kushtetuese!
Kryeministrat pastaj mund ta përdorin për propagandë sepse janë kryetarë forcash politike. Kurse atje është çështje mbipartiake.
Zaten kështu e kanë pasur sundimtarët në Shqipëri, kap të fortin e jashtëm për ta përdor për pushtet politik brenda vendit!
Që nga koha e pashallarëve blu pastaj të kuq!
Kaq e thjeshtë.
Por, nuk kuptoj se përse Presidentët, deputetët, kryetarët e bashkive, nëpunësit lënë mënjanë detyrime të tyre dhe ua falin të tjerëve kompetencat që kanë!
Nuk e kuptoj vërtet! Ja këtë mendoja duke parë filmimet te TV Propaganda Fide pasi nxorra për pak minuta televizorin nga frigoriferi!
Mbase ja fus kot! Ndofta jam naiv mo, por e kam sinqerisht!
