Parlamenti i Shqipërisë u përfshi sot nga debati mes ministres së Infrastrukturës Belinda Balluku dhe deputetit të PD-së, Xhelal Mziu, pasi ky i fundit e thirri në interpelancë për ecurinë e punimeve në Rrugën e Arbrit.
Xhelal Mziu u shpreh se nuk ka përfunduar as gjysma e rrugës së Arbrit dhe se sipas tij, pjesa që sipas qeverisë është mbyllur nuk i plotëson standardet.
Ai vijoi më tej duke akuzuar se firma që po e ndërton rrugën, “Gjoka” është miku i ministres dhe se po u kushton shqiptarëve 5.5 herë më shumë se katër vite më parë.
“Kam disa dokumente dhe ashtu si ishte futur thellë në bodrumet e Gjokës unë u futa në website e Gjokës nga ku doli që rruga e përfunduar dhe tregon edhe asfaltin e hedhur.
Ju ministre, unë merrem me ministrinë sepse duhet të bëjë transparencë. Ju sugjeroj të futeni dhe ta kontrolloni.
Në kohën e PD ka kushtuar 70 mln euro gjysma e rrugës. Po çfarë standardi ka kjo rrugë që do të kushtojë 5.5 herë më shumë se katër vite.
Është Gjoka miku i ministres, që nga 2018 i është dhënë vlera dhe po kjo vlerë brenda tri vitesh do të likuidohej” tha ai.
“Ato që i keni lënë rrugëve, unë i mbyll për 12 muaj. Viti im i punës është ai që është. Ne çohemi në mëngjes, dalim votohemi.
E dinë atë që të duhet të votojnë. Zoti Mziu bëri thirrje në Dibër; votoni Edi Ramën. Ju nuk shpikni dot gjë, se merrni dhe thëniet tona; rrugët po i lini rrugëve”, tha Balluku.
